• Սերժի համար իր նոր «քարտուղարուհիները» բոցաշունչ, բայց իմաստազուրկ ելույթներ են գրում, որոնք նա հազիվ է արտաբերում ու կարդում:
• Ժողովրդական ամոթանքից ընդհատակ մտած Հովիկ Աբրահամյանը արդեն լույս աշխարհ է վերադառնում եւ նույնիսկ առաջադրվում պատգամավոր (հիրավի, երբ նա ստանձնի ԱԺ Նախագահի պաշտոնը, Ազգային ժողովը կարելի է վերանվանել Մկների ժողովի):
• Ջերմոցային աճեցման մանր-մունր օլիգարխ Նեմեց Ռուբոն նույնպես արդեն հաղթահարում է վախի դողոցն ու մամուլում հանդգնում տափակ մտքեր արտահայտել:
• Գալուստ Սահակյանն ու Բուռնաշը մեծահոգաբար հրավիրում են ժողովրդին հունիսի 20-ին հանրահավաք անցկացնել սեփական օբյեկտներից մեկին՝ «Հրազդան» տոնավաճառին հարող տարածքում:
• Դատավորները քաղբատարկյալների արդարացման վճիռներ են կայացնում, փոփոխում ձերբակալվածների խափանման միջոցները, իսկ երբեմն նույնիսկ դատախազներն են հրաժարվում մեղադրանքից:
• Միակիկները Ռուսաստանի հարուստ փորձից թխած երիտասարդական շարժումներ են հովանավորում, «արտոնված» երթեր կազմակերպում եւ ժողովրդավարության պատրանք ստեղծում (դե իսկ ՀՀԿ մասին խոսք չկա. այն այլեւս քաղաքական աղբանոց է նետված):
• Ձեւավորում են հանրային դատարկախոսության խորհուրդ եւ մարտի 1-ի դեպքերը պարտակող գրպանային հանձնաժողով:
Բնական է, որ այս ամենն արվում է եվրոպական կառույցների բարեհաճությունը նվաճելու համար: Խաղում են ԵԽԽՎ թիվ 1609 բանաձեւ: Սակայն ոչ միայն դա է դրդում այս հանցավոր ռեժիմին փոխել իր վարքագիծը: Նրանք փորձում են տիրել նախաձեռնությանը եւ հանդես գալ քաղաքական գործընթացները վերահսկողի, թելադրողի դերում: Այդ իսկ պատճառով զգոնության կոչ եմ անում մեր Շարժման հարյուր հազարավոր մասնակիցներին:
Երեւանի քաղաքապետարանը մերժեց հունիսի 20-ին Ազատության հրապարակում Համախողովրդական շարժման անցկացվելիք հանրահավաքը: Դա իրենց խնդիրն է: Իսկ մեր խնդիրն է լինել հետեւողական ու վճռական մեր արդար պայքարում: Ես նախընտրում եմ հավաքվել Ազատության հրապարակում: Այլ վայր գնալը կնշանակի տրվել իշխանությունների խաբկանքին եւ խաղալ իրենց մշակած խաղը:
Ես նախընտրում եմ տեսնել մեր համակիրներին Ազատության հրապարակում:
Ես նախընտրում եմ լսել մեր նախագահին Ազատության հրապարակում:
Ես նախընտրում եմ հավաքվել Ազատության հրապարակում, որը սպասում է մեզ՝ իր տիրոջը:
Պայքար, պայքար մինչեւ վերջ:
Հ.Գ. Ի պատասխան Տեր-Պետրոսյանի Ֆրանսիա մեկնելու մոլուցքով տառապող իշխանական բամբասկոտ լրտավամիջոցների ծախու մեկնաբանությունների, ցանկանում եմ մի կարեւոր հակաառաջարկ անել ՀՀ փառապանծ Գլխավոր դատախազությանը: Քանի որ հանրային քննարկումների արդյունքում աստիճանաբար բացահայտվում է այն հիմնարար դերը, որն ունեցել է Ռոբերտ Քոչարյանը մարտի 1-ի սպանդի կազմակերպման ու համակարգման գործում, առաջարկում եմ մարտի 1-ի հետաքննության շրջանակներում նրան դասել որպես «կասկածյալ» եւ նրա նկատմամբ խափանման միջոց ընտրել «հանրապետությունից չբացակայելը»: Թե չէ, ով գիտի, գուցե իր հերթական «եվրատեսիլային» շրջագայություններից մեկի ժամանակ նա որոշի թաքնվել արտերկրում եւ խուսափել նախաքննությունից:
---
Խմբագրական (Հայկ)՝
ԲուռնաշաՄիակաՆեմեցային բաշիբոզուկների ի հայտ գալը համարում եմ նրանց կողմից փրփուրներից բռնվելու վերջին ճիգ: Նրանց «ոգևորությունը» ոչ այլ ինչ է, եթե ոչ անկյուն մղված առնետի վերջին ճղճղոց:
Մխչյանի Մկան կողմից ԱԺ նախագահի պաշտոնի «հետաքրքրությունն» էլ կապված է ավազակների մեջ ապահովության պատրանք ստեղծելու հետ, անխուսափելի նախագահական և խորհրդարանական վերընտրություններից առաջ: Այն է՝ հանրապետության երկրորդ պաշտոնը վերցնելով ցռան Թորոսիկից և հանձնելով ստորության վարպետ Մկանը:
Գրեք Ձեր մեկնաբանությունը