«Forbesե-ի գլխավոր մարտավարը բացահայտում է
Հունիսի 18-ին Ուոթերթաունում (Մասաչուսեթս, ԱՄՆ) գործող «Ամերիկայի հայկական գրադարան եւ թանգարանե (ԱՀԳԹ) կազմակերպության շենքում տեղի է ունեցել շնորհանդես նվիրված Վահան Ճանճիկյանի «Even Buffet isn՛t Perfectե բառախաղային վերնագրով նոր գրքի լույս ընծայմանը, տեղեկացնում է «Արմինյն միրոր սփեքթեյթրե շաբաթաթերթը:
Գրքի «Ի՞նչ կարող ես (եւ չես կարող) սովորել աշխարհի խոշորագույն ներդնողիցե ենթավերնագիրը որոշ բան հուշում է հատորի հեղինակի մասին: Պարզվում է` Ճանճիկյանը «Forbesե հանդեսի ներդրումային բաժնի գլխավոր մարտավարն է, «Forbesե-ի ներդնողների խորհրդատու ինստիտուտի գործադիր տնօրենը եւ «Forbes Growth Investorե եւ «Special Situation Surveyե ներդրումային տեղեկատու պարբերականների խմբագիրը: Նա նաեւ Hillview Capital Advisors, LLC անկախ խորհրդատվական ֆիրմայի ներդրումային հանձնաժողովի անդամ է:
Ճանճիկյանը կապիտալի շուկայի տեսության եւ այլ հարակից նյութերի վերաբերյալ բազում հրապարակային դասախոսություններ է կարդացել ինչպես պրոֆեսիոնալ մակարդակի մենեջերների, այնպես էլ մանրածախ առեւտրի ներդնողների առաջ: Նա չգերազանցված մասնագետ է համարվում այդ բնագավառում:
Ավարտել է Վիլլանովա համալսարանը, այնուհետեւ մագիստրատուրայի բաժնում սովորել եւ հետագայում ֆինանսների գծով դոկտորական է պաշտպանել Վիրջինիա տեխնոլոգիական համալսարանում, նրան է շնորհվել «Չարտերային ֆինանսական մեկնաբանե պատվավոր կոչումը: Դասավանդել է հաշվապահություն, տնտեսագիտություն եւ հարակից առարկաներ Դելավար, Հյուսիսարեւելյան եւ Հայաստանի ամերիկյան համալսարաններում, ինչպես նաեւ Բոստոն քոլեջում: Ուսումնասիրություններն ու հոդվածները տպագրվել են բազմաթիվ մասնագիտական պարբերականներում, այդ թվում՝ «Forbesե-ի էջերում եւ Forbes.com կայքում: Նրան հաճախ են հյուրընկալում հեռուստատեսային եւ ռադիոկայանների ծրագրերում` լսելու իր հեղինակավոր կարծիքը գործարար շրջանակներին վերաբերող ամենատարբեր հարցերի մասին: «Ուոլ սթրիթ ջոռնըլըե, «Բոստոն գլոբըե, «Բարոնզըե, «Վաշինգտոն փոստըե եւ այլ հեղինակավոր պարբերականներ հաճախ են մեջբերումներ անում նրա գրություններից: Նա համահեղինակն է եւ խմբագիրը «Forbes Stock Market Courseե ուսումնական ձեռնարկի:
Գրեք Ձեր մեկնաբանությունը