ՀՅԴ-ն վստահ է, որ պատերազմի վերսկսման դեպքում հայերը ոչ միայն չեն
կորցնի ազատագրված տարածքները, այլեւ սահման ձեռք կբերեն իրենց
հյուսիսային հարեւանի հետ, ընդ որում՝ ոչ միայն ցամաքային, այլեւ ծովային:
Այս մասին այսօր ԱԺ-ում հրավիրած ասուլիսի ժամանակ հայտարարեց ՀՅԴ ԳՄ
անդամ, ԱԺ փոխնախագահ Հրայր Կարապետյանը:
՚
Եթե վաղը Ադրբեջանը պատերազմ սանձազերծի, ոչ միայն խնդիր կունենա այդ 7
շրջանների հետ, այլեւ` խնդիր կունենա ընդհանրապես իր տարածքային
ամբողջականության, այնպիսի հարցերի հետ, որ երազում էլ չի տեսել: Միգուցե
նաեւ վաղը խնդիր ունենա նրա հետ, որ վաղը Հայաստանը վերջապես ցամաքային
սահման կունենա իր հյուսիսային հարեւանի հետ կամ ծովային սահման, եթե
պատերազմ սկսվի: Ինչքան էլ նրանք 10 անգամ բյուջեն կրկնապատկեն, նրանք
չկարողացան անցնել Հայաստանից, չկարողացան, հավատացեքՙ,-այսօր
լրագորղներին հավատացնում էր Հրայր Կարապետյանը:
Ի դեպ, նա ասաց, որ մեր բանակի մարտունակության մասին խոսում են ԱՊՀ-ում
բոլոր գեներալները, բայց մենք չենք խոսում դրա մասին միայն այն պատճառով,
որ ՚համեստ ենքՙ:
Հրայր Կարապետյանը նկատեց, որ Սերժ Սարգսյանը ՚համեստ, պարկեշտ մարդ էՙ՝ ի
տարբերություն Ալիեւի, դրա համար էլ մեր մարտունակության եւ մեր
հնարավորությունների մասին չի խոսում, ռազմատենչ հայտարարություններ չի
անում:
Հրայր Կարապետյանը նաեւ նկատեց, որ Ադրբեջանի 10 անգամ ավել ռազմական
բյուջեն մեր բյուջեից ավելի չի. ՚Գիտեք, ասենք` բյուջե են գրում ջրագիծ
սարքելու, վերջում պարզվում է ջրագիծը սարքած չի, գումարը տվել են, լենտը
կտրում են, բայց ջուրը միացրել են ջրի մեքենայից: Ադրբեջանի բանակը
մոտավորապես էդ վիճակում է. կարելի է գրել 10 մլդ բյուջե, բայց էդ բյուջեն
յուրացնել: Ադրբեջանի բանակում այսօր բարոյահոգեբանական ծանր վիճակ է,
անկազմակերպ, անկարգապահ, դրա մասին բոլորը գիտենՙ,- ասում է Հրայր
Կարապետյանը:
Մեր բանակը մարտունակ է, ըստ նրա, եւ շատ ավելի մեծ խնդիրներ լուծելու
ընդունակ է, եւ եթե Ադրբեջանի նախագահը հոխորտում է, որեւէ հիմք չունի:
՚Նրանք պետք է իմանան, որ եթե պատերազմ սկսվեց մենք պատրաստ ենք մեծ
խնդիրներ լուծելՙ,- այսօրվա ասուլիսում այս միտքը պարբերաբար կրկնում էր
Հրայր Կարապետյանը, ում անհանգստացնում էր Հայաստանում տիրող պարտվողական,
խուճապային տրամադրությունները:
Եվ ըստ ամենայնի, ԱԺ փոխխոսնակն այսօր որոշել էր ցրել այդ
տրամադրությունները եւ բարձրացնել ազգի մարտական ոգին: Իսկ որքանո՞վ է
նպաստում ոգու մարտունակության բարձրացմանը իշխանությունների
վերաբերմունքը ազատամարտիկների հանդեպ, որոնք կամ մեկուսարաններում են,
կամ արտաքսման վտանգի տակ` ՚Ա1+ՙ-ի այս հարցին Հրայր Կարապետյանը
պատասխանեց, որ իհարկե չի նպաստում այդ իրողությունը, բայց նաեւ, ըստ
Կարապետյանի, չի նպաստում այն հանգամանքը, որ նախկին ազատամարտիկներն
այսօր հոդվածներ են հրապարակում, թե ամբողջ աշխարհը կոնսենսուսի է եկել
Ղարաբաղի հարցը ոչ հայանպաստ լուծելու խնդրում: Ըստ նրա, չի կարելի
այդպիսի խուճապային տրամադրություններ տարածել:
Ըստ նրա, Ղարաբաղի հարցում այդպիսի մարտվողական տրամադրություններ
տարածողը ընդդիմությունն է: Բայց երբ լրագրողները հիշեցրին, որ ԱԱԾ պետ
Գորիկ Հակոբյանը վերջերս արտերկրի մի լրատվամիջոցի տված հարցազրույցում
մտավախություն էր հայտնել, որ կարող է ցեղասպանությունը կրկնվել Հայաստանի
հանդեպ, Հրայր Կարապետյանը ասաց, որ իր համար անհասկանալի էր այդ
պաշտոնյայի նման հայտարարությունը: Իսկ արդյո՞ք Հրայր Կարապետյանը հիմք
ունի պնդելու, որ Ղարաբաղի հարցում իրավիճակը հայանպաստ է: Այս հարցին նա
պատասխանեց` քանի դեռ բանակցությունները շարունակվում են, ուրեմն խնդրի
խաղաղ լուծման հնարավորությունը սպառված չէ: Իսկ պատերազմ սկսողները
տուժում եւ պարտվում են, ինչպես ցույց տվեց վրաց-օսական հակամարտությունը:
Դա նաեւ շատ լավ հասկանում է Ադրբեջանը:
Կարապետյանը շեշտեց, որ Հայաստանի ոչ մի նախագահ չի կարող հաշվի չնստել
արցախահայության կամքի հետ: Նա նաեւ վստահ չէ, որ Ղարաբաղի հարցի լուծմանը
շատ մոտ ենք: ՚Ոչ ոք չի կարող պնդել, թե Ղարաբաղի հարցը վաղը չէ մյուս օրը
կլուծվիՙ,- ասաց ԱԺ փոխնախագահը եւ ավելացրեց, որ շատ անգամներ է այսպիսի
իրավիճակ եղել, բայց խնդիրը չի լուծվել:
What remains to clarify is
Mher 9 շաբաթ 6 օր առաջ
What remains to clarify is whether this is yet another example of modern ARFD's delusions and megalomanias, or just another publicity stunt.
Գրեք Ձեր մեկնաբանությունը