Երբ Հայփոստը վաճառվեց կամ հանձնվեց հոլանդացիներին ես զարմացա: Այն առումով, որ այն չտրվեց ռուսներին կամ էլ ավազակապետության սպասարկուներին: Հոլանդացիները իրոք մտադրված էին բարեփոխել սովետական փտած այս կառույցը, այն դարձնել շահութաբեր, բայց միաժամանակ պահպանել ոչ շահութաբեր, բայց բնակչության համար կարևոր ծառայությունները: Հաշվի առնելով Հայփոստի պոտենցիալը՝ զարամանալի էր տեսնել, որ այն չմասնատվեց և չփոշիացվեց, ինչպես օրինակ՝ Հայկական Ավիոուղիները: Ամեն ինչ թվում էր զարմանահրաշ, բայց կասկածը դեռ մեջս էր, քանի որ ասպատակողից ու ոչնչացնող հոգեբանության տեր մարդկանցից լավ բան չի կարելի սպասել: Եվ ահա պարզվում է, որ հոլանդացիները ուղղակիորեն օգտագործվեցին Հայփոստին ոտքի կանգնեցնելու ու դժվար գործը անելու համար , իսկ երբ ժամանակը եկավ , ավազակապետությունը անցավ իրեն ուրույն մեխանիզմին, այն է՝ ծեծ, ջարդ, հալածանքներ, կողոպուտ ու թալան:
Ահա թե ինչ պատահեց Հայփոստին: Հոդվածը՝ «Հայկական Ժամանակ»-ի նոյեմբեր 14-ի հրապարակումից:
«
Երեկ հայտնի դարձավ, որ «Հայփոստ» ընկերության գլխավոր գործադիր տնօրեն Հանս Բոոնը նախորդ օրը հրաժարական է ներկայացրել: Ընդ որում նա հրաժարական է ներկայացրել հեռակա կարգով: Նա մի քանի շաբաթ առաջ մեկնել է հայրենիք` Հոլանդիա եւ փոստով ներկայացրել հրաժարականի իր դիմումը: Ամենահետաքրքիրն այն է, թե որն է Բոոնի հրաժարականի պատճառը: Խնդիրն այն է, որ վերջին կես տարվա ընթացքում, օտարերկրացի Բոոնը Երեւանի կենտրոնում երկու անգամ դաժան ծեծի է ենթարկվել: Առաջին անգամ հունիսին Կարապի լճի մերձակայքում, իսկ երկրորդ անգամ` հոկտեմբերի սկզբին` Պուշկինի փողոցում: Առայժմ անհայտ է, թե ինչու է Բոոնը խուսափել է այս փաստերին հրապարակայնություն հաղորդել: Հայտնի է միայն, որ բժիշկների ասելով վերջին հարձակումը եղել է առանձնապես դաժան եւ նրան հասցված մարմնական վնասվածքները կարող էին մահացու լինել: Ըստ մեր ունեցած տեղեկությունների հենց այս հարձակումներն են դարձել Բոոնի հրաժարականի պատճառ` օտարերկրացին, Հոլանդական “Haypost Trust Management” ընկերության կառավարման ներքո գտնվող Հայաստանի խոշորագույն ընկերություններից մեկի` «Հայփոստի» եվրոպացի գլխավոր գործադիր տնօրենը իրեն անվտանգ չի զգում ոստիկանապետության վերածված Հայաստանի Հանրապետության մայրաքաղաքի կենտրոնում: Սա շատ լավ գովազդ է մեր երկրի համար: Սրանից հետո, թերեւս, Տիգրան Սարգսյանը հիմքեր կունենա խոսելու Հայաստանը օտարերկրյա ներդրողների համար դրախտ դարձնելու եւ Հայաստանը միջազգային ֆինանսական, տեխնոլոգիական, մշակութային ու էլի եսիմինչ կենտրոնի վերածելու մասին:
Հ.Գ. Ի դեպ, «Հայփոստ» ըկերության կառավարումը շուտով կստանձնի արգենտինահայ գործարար Էդուրադո Էռնեկյանին պատկանող ընկերություններին: Սպասվում է, որ փոխանցման գործընթացը կավարտվի առաջիկա մեկ երկու ամիսների ընթացքում:
Գրեք Ձեր մեկնաբանությունը